Kandida popilis zèl dwat Javier Milei se kandida ki soti ak plis vwa yo nan eleksyon primè ki sot dewoule Ajantin. Eleksyonan detèmine ki kandida ki pral fè konpetisyon nan eleksyon prezidansyèl ki fikse pou mwad Oktob la.
Ajantinn ap fè fas ak anpil pwoblèm ekonomik.
Milei se yon admiratè ansyen Prezidan Etazini Donald Trump. Li deklare yo ta dwe aboli Bank Santral Ajantinn. Li kwè chanjman klimatik se yon mansonj e li vle rann ni pi fasil pou Ajanten yo ka achte zam a fe.
Analis yo di, kandida a ki konn jouri klas politik la te ranpote plis vwa pase sa yo te atann Dimanch, e ke li gen bon jan chans pou pran prezidans la.
Apre biwo vot yo finn konte 92% vwa yo, Milei gen apepre 30% bilten yo.
Kandida kowalisyon opozisyon prensipal la ranpote 28% vwa yo epi kowalisyon ki kontwole pouvwa a limenm fini twazyem ak 27%.
