Depatman Sekirite Nasyonal la anonse ke administrasyon Biden nan ap sèvi ak pouvwa li egzekitif li genyen pou l anile 26 lwa federal nan Sid Texas.
Se premye fwa administrasyon an fè yon bagay konsa, malgre ke administrasyon Trump la te konn fè l tout tan.
Lwa yap anile yo pral pèmèt yo konstwi miray sou plizyè dizèn kilomèt fwontyè Etazini pataje ak Meksik la.
Depatman Sekirite Nasyonal la anonse nouvèl la Mèkredi sou Rejis Federal ki anile pwoteksyon federal yo nan awondisman ki rele Starr County nan Texas.
Militan kap travay pou pwoteje anviwonman an di yo sezi tande yon administrasyon Demokrat deside apiye konstriksyon sa a.
Miray yo pral travèse teren piblik, ak zon pwoteje ki tabli pou plant ak espès ki an danje disparisyon.
