Miray yon gwo baraj nan sid Ikrèn ke Moskou kontwole kraze.
Ensidan an deklanche inodasyon Madi, epi mete an danje pi gwo santral nikleyè ki egziste an Ewop. Met sou sa li menase dlo moun bwè.
Ni Larisi ni Ikrèn ap prese vit evakye sitwayen ki abite nan zon nan epi twoke akizasyon sou kiyès ki responsab pou ijans la.
Ikrèn akize fos Ris yo dèske se yomenm ki sote baraj Kakhovka a ak santral idwo-elektrik la ki sitye sou flèv Dnieper la. Pandansetan otorite Ris yo blame atak militè Ikrenyen yo.
Associated Press patka verifye akizasyon sa yo.
Dezas la taka gen konsekans anvironmantal e sosyal tou.
