Sekretè Jeneral l-ONU Antonio Guterres avèti lidè mondyal yo nan somè sou klima a, mèkredi, ke preske pa gen tan ankò pou evite yon katastwòf nan anviwònman an.
« Fok nou ratrape tan ke nou te pèdi nan trennen pye-nou, nan tòde ponyèt lòt pou pran sa yo genyen, pandan konpayi ki pa negosye enterè yo ap ranmase plizyè milya dola nan petwòl, » se sa Guterres di lidè mondyal yo pou ouvè yon woumble ki te dire tout yon jounen nan Asanble Jeneral la ki ap dewoule nan katye jeneral Nasyon Zini an nan New York.
Apre diskou ouvèti rankont la, chef deta ki reprezante 34 nasyon te gen pou pale sou enpòtans anviwònman an, pami yo Brezil, Pakistan, Afrik di Sid, Kanada, Inyon Ewop la ak Tuvalu, yon zile nasyon nan rejyon Polinezi a, ki an danje akoz nivo lanmè a ki ap moute lakay li.
2 pi gran ekonomi yo ki se tou 2 peyi ki plis polye lè a – Etazini ak LaChin – pa te sou lis oratè yo. Se sèlman nasyon ki pwomèt pou yo fè plis efò pou redui degajman gaz ki chofe tè-a ki te resevwa envitasyon pou pale. Anvwaye Espesyal Etazini sou Klima, John Kerry, te prezan.
