WASHINGTON —
Nan yon entèvyou ak VOA, Pòt pawòl Konsey Sekirite Nasyonal Lamezonblanch la, John Kirby, deklare Etazini rekonesan dèske Kenya volontye pou l dirije yon fòs miltinasyonal pou ede Ayiti jere ensekirite a.
"Depi lontan nap di ke yon espèz de fòs polis, yon fòs polis entènasyonal ta apwopriye. Byen antandu fòk li akseptab pou pèp Ayisyen an, men zak vyolans yo dwe sispann e ensekirite a dwe sispann."
Kirby ajoute "Nou apiye prezans yon fòs polis entènasyonal".
Pòt pawòl John Kirby te pale ak kolèg nou nan VOA Pèrs pou Iran, Farhad Pouladi, nan Lamezonblanch.
Korespondan VOA Persian nan Lamezonblanch, Farhad Pouladi, kontribye a repotaj sa a
