Premyè Dam Jill Biden teste pozitif pou COVID-19.
Lamezonblanch fè konnen premyè dam nan teste pozitif Lendi. Li gen sentom leje sèlman.
Yo te teste Prezidan Joe Biden pou COVID-19 Lendi swa, men rezilta pa li te negatif.
Sekretè laprès Lamezonblanch la, Karine Jean-Pierre di prezidan an pral kontinye fè tès regilyèman e yap veye pou wè si li pa gen okenn sentom maladi a.
Jill Biden limenm pral rete nan kay koup la genyen nan Rehoboth Beach, eta Delaware pou kounyea.
Prezidan an limenm gen tan tounen nan Lamezonblanch.
