4 astwonòt retounen sou Tè bonè lendi apre yo te fin pase 6 mwa nan Estasyon Espasyal Entènasyonal la.
Kapsil SpaceX ki te pote yo a te al desann nan Oseyan Atlantik la bò kot eta Florid.
Astwonòt ki retounen yo se Stephen Bowen ak Warren Hoburg ki gen ti non Woody, Andrei Fedyaev ki se moun LaRisi, ak Siltan al-Neyadi ki se moun Emira Arab Ini, an menm tan premye moun nan mond Arab la ki pase yon bon valè tan nan òbit latè.
SpaceX te pote astwonòt pou ranplase ameriken yo sa gen yon semèn. Yon lòt chanjman ekipaj pwal fèt mwa sa a pou ranplase 2 Ris ak yon Ameriken ke moun ap tann lontan sou Tè a apre yo fin pase yon lane antye nan estasyon espasyal la. Yo te vin double tan pa yo apre kapsil ris kote yo te ye a, Soyuz, te ap pèdi likid pou refwadi li a, kote LaRisi te oblije lanse yon nouvo kapsil.
Estasyon an toujou gen 7 astwonòt.