Lèzetazini fè konnen li pral ekri yon pwojè rezolisyon ke li va prezante nan Konsèy Sekirite Nasyonzuni an pou otorize Kenya pou l dirije yon fòs polis miltinasyonal pou ede Ayiti konbat gang yo.
Anbasadris Amerikèn Linda Thomas-Greenfield deklare pandan yon konferans pou laprès madi ke Lèzetazini "byen akeyi desizyon Kenya pran pou l dirije fòs multinasyonal la (epi) nou pral travay sou yon rezolisyon ki apiye jefò sa a."
Premye Minis Ayisyen Ariel Henry te lanse yon apèl ijan nan mwad Oktòb ane pase a pou LONU voye yon fòs espesyal pou ede Ayiti jere gang yo.
Sekretè Jeneral Nasyonzuni Antonio Guterres te lanse apèl tou pou yon peyi di li dakò pou dirije fòs la pou ede retabli lòd ak sekirite.
9 mwa apre apèl sa a, Kenya reponn a lapèl.
