Amalie Vangsgaard make yon gol nan 90èm minit match Dannmark kont Lachin, pou ranpòte la viktwa 1-0. Match la te dewoule nan vil Perth.
Vangsgaard, ki se yon jwèz segondè ede ekip li egalize ak chanpyon Ewopeyen Angletè ak viktwa sa a. Kounyea tou le 2 ekip yo gen 3 pwen nan Gwoup D a.
Angletè bat Ayiti 1-0 nan Brisbane, Samdi 22 Jiyè a. Kounyea Angletè pral fè fas ak Dannmark nan vil Sydney.
Josefine Hasbo te sanble gate chans Dannmark pou l ranpòte la viktwa apre li te rate yon bèl chans pou make yon gòl bonè nan dezyèm mitan match la.
Pou Lachin, defèt la te di paske Chinwaz yo te resi anpeche Dannmark make okenn gòl, gras ak yon strateji defans solid.
Chinwaz Wang Shuang te eseye make yon gòl nan kòmansman dezyèm mitan an, men jwèz Danwaz Lene Christensen te anpeche l fè sa.
Poukisa viktwa Dannmark la enpòtan?
Sa ka ede l avanse nan gwoup dè 16 la.
Seleksyon Nasyonal Ayiti pral fè fas ak Lachin nan Adelaide Vandredi 28 Jiyè.
