Melchie di nan chita pale ak AFP: « Malerezman, sa pa ka fèt pou moman sa a », li pa di plis paske li pa trò renmen pale sou sijè sa a. Li di ke li pako gen dezan depi li kite Ayiti pou l te siyen ak ekip Stade de Reims, men ke li paka tounen nan peyi natif-natal li kounyea.
Nan dat 22 fevriye pase, apre yo te make 2 gòl kont ekip Chili a, Grenadyè yo te kalifye pou premye koup du mond nan istwa yo.
Yo pwal dekouvri vrè konpetisyon an samdi kote yo pral jwe premye match yo kont ekip medam Angletè a, ki gen tit chanpyon Ewopeyen.
Jwèz la pral fete 20tyèm anivèsè li 17 out.
