Espay make 3 gòl nan 4 minit nan mitan premye mitan match li kont Kosta Rika pou ranpòte la viktwa 3-0 nan premye match li nan Mondyal Foutbòl Feminin FIFA a.
Match la te dewoule nan fredi nan vil Wellington, La Nouvel Zeland.
Gen moun ki te di Espay te febli akoz blesi jwez yo - men yo te twonpe yo. Medam Espayòl yo te kontwole balon an plis pase 80% match la anvan premye mitan an. Yo tire 12 kòrne, yo choute 15 fwa kont gòl la - kidonk sa voye jete tout ke sote moun te genyen pou jwez ki blese yo.
Seleksyon Nasyonal Etazini limenm ap jwe premye match pa li Samdi 22 Jiye nan Auckland, Nouvel Zeland a 1 he de lapremidi - le lokal ki se 9 he di swa Vandredi pou telespektate Ozetazini. Medam Ameriken yo ap fe fas ak Vyetnam nan match sa a. Nap raple Etazini se chanpyon an tit la.
Pandansetan nan Ostrali, Samdi nan Brisbane, se va tou pa Ayiti, le Grenadye yo va fe fas ak Anglete nan premye match pa yo nan tounwa a.
