Lame Kore di Sid te detekte 2 misil ki pa tire lwen, ke Nò a te tire etan nan zonn Sunan toupre capital la Pyongyang ant 3 zè edmi ak 3 zè 46 nan maten, dapre eta majò lame Kore di Sid la.
Li di misil yo te vwayaje sou distans anviwon 550 kilomèt anvan yo t al tonbe nan dlo ki nan lès penensil Kore a.
Lansman sa yo pa akseptab, se sa minis defans japonè a di, e li ajoute ke ministè afè etranjè a depoze yon plent kòm pwotestasyon.
Depi plizyè semèn, Kore di Nò te lanse avètisman kont deplwaman soumaren nikleyè ameriken an. Etazini te pwomèt Sid la deplwaman sa a pou moutre yon defans vizib. Se premye deplwaman konsa ki fèt depi lè soumaren misil balistik USS Robert E. Lee te rele Kore di Sid pou di l ap akoste, sete an Mas 1981.
