Responsab Ameriken yo di sòlda Etazini ki travèse fwontyè a epi al lage kò li Kore di Nò te pase prèske 2 mwa nan prizon nan Kore di Sid e yo te fèk lage li.
Responsab yo di solda Travis King te pran prizon pou yon agresyon e yo tap voye l tounen lakay li nan Fò Bliss nan Texas.
Nan eta Texas, li te ka fè fas ak lòt mezi disiplin militè epi posibilite pou lame a revoke l nèt.
Yo te mennen King nan ayewopò men apre sa, misye t al foure kò li nan yon gwoup touris ki tapral vizite vilaj ki rele Panmunjom la sou fwontyè ki separe Kore di Sid ak Kore di Nò. Se la li te kouri chanke Kore di Nò.
Misye vinn tounen premye Ameriken Kore di Nò arete depi prèske 5 an.
