Zòn Detroit la gen youn pami pi move kalite lè Ozetazini gras ak lafimen dife Canada yo ki pran direksyon sid la.
Plis pase mwatye dife Kanada yo ap boule san kontwòl. Lafimen an rive sou pi fò rejyon Gran Lak yo, epi vanse jous nan eta Kentucky ak Missouri nan direksyon sid la.
Ajans Pwoteksyon Anviwonman an gen yon sit ki rele AirNow.gov ki montre Detroit nan zòn "danjre" a Mekredi epi lanse avètisman pou di "tout moun ta dwe rete lakay yo e redui nivo aktivite yo."
Sèvis Nasyonal Meteyo a di lafimen an pral kontinye pwopaje nan direksyon ès la, epi afekte eta Vijini de Lwès, Pènsilvani ak Nouyòk.
