Victor Wembanyama se chwa nimewo 1 tiraj NBA (Asosyasyon Nasyonal Basketbòl Ameriken an) pou ane sa a. Tiraj la dewoule Jedi 22 Jyen e anpil moun te atann yo aksè misye se premye chwa a.
Se ekip San Antonio Spurs ki seleksyone tinedjè Franse a, ki mezire 7 pye 4 pous (swa 225 santimèt) de wotè.
Wembanyama di jounalis yo: "Premye objektif la se ameyore tet mwen epi pefomans mwen antanke jwe. Tout res la va vini le le a rive. Si mwen travay di map jwen rezilta. Mwen kwe si yon moun gen yon bon atitid li ka gen yon enfluyans pozitif sou moun."
Sa fe twazyèm fwa ke Spurs ranpòte premye tiraj NBA a. An 1987 yo te chwazi David Robinson, e an 1997 yo te chwazi Tim Duncan. Tou le 2 jwè sa yo te tounen chanpyon NBA ak manm Mize Jwe Renome Basketbòl yo.
Wembanyama pral suiv egzanp mesye sa yo. Li tounen tou suit pwen santral espwa San Antonio genyen pou l nan yon bon pozisyon pou l ranpòte chanpyona NBA a.
Spurs yo ranpòte 5 chanpyona anba antrenè a Gregg Popovich. Denye fwa a sete an 2014.
