Lionel Messi anonse Mèkredi li gen entansyon rejwenn ekip foutbol Inter Miami antanke ajan lib, apre li kite Pris Saint Germain epi vag sou yon of Arabi Saoudit te fè l pou yon pakèt lajan.
Bwi tap kouri pou di kom kwa Messi, ki jwe dènye match li pou PSG wikèn ki sot pase a tapral tounen jwe pou Barselonn. Men klib Espayol la te yon tijan kwense akoz règleman "fair play" LaLiga yo.
Mesi deklare "Mwen deside ale Miami" nan yon entèvyou ak Mundo Deportivo ak jounal Spotif yo.
Li ajoute: "Antant la poko rive nan 100%. Gen kèk bagay ki manke, mwen nou deside pouse pou pi devan. Si mwen patka retounen jwe pou Barselonn, mwen te vle kite Ewop, soti nan yon sityasyon kote tout je brake sou mwen epi panse ak fanmi mwen pi plis."
Demenajman Messi nan Sid Florid pral make premye fwa Ajanten an, ki gen 35 an, ap jwe andeyo Ewop, depi li te rejwen akademi Barca a a laj de 13 zan epi tounen meyè foutbolè klib Espayol la ak 672 gol.
Messi, ki te dirije seleksyon nasyonal Ajantin nan pou ede l pran Koup di Mond Qatar la nan mwad Desanm nan, gen yon total 7 pri Ballon d'Or, li ranpote chanpyone Lig 1 an tou le 2 sezon li te jwe pou PSG epitou Supè Koup Franse a an 2022.
Messi di: "Apre nou fin pran Koup du Mond lan, epi mwen patka al jwenn Barca, li te tan pou m ale Etazini pou fè yon eksperyans foutbol ki konplètman diferan nan lig Ameriken an epi jwi chak jou."
Li di: "Byen antandu menm responsabilite ak dezi pou genyen ak toujou fè bagay yo byen. Men ak plis pè d'espri."
Messi te toujou vle jwe pou yon klib kote li te ka evantyèlman tounen youn nan pwopriyetè yo, yon sous ki byen ranseye sou negosyasyon yo di Reuters semèn pase a. Misye te vle tou pwofite o maksimom de antant li ak Adidas, epi bon relasyon Lig Ameriken an, MLS genyen ak Apple.
MLS antre $250 milyon pa an nan men Apple, juskaske li rive gen yon kantite abone, epi apre sa, yo va pataje revni abonman sa yo jenere.
Anpil moun atann yo aske deplasman Messi nan MLS la pral ankouraje yon pakèt moun pou yo abone sou rezo streaming Apple TV a, antanke jwè foutbol moun pi konnen nan mond lan.
