Fon Monetè Entènasyonal la deklare Jedi ke Ayiti fè "pwogrè enpotan" sou kestyon gouvènans tankou transparans. Deklarasyon an fèt nan moman FMI tap fini revizyon final yon ako ki pa fomèl pou siveye pwogram ekonomik peyi a.
Nan dezyèm e dènye revizyon Pwogram Anplwaye yo Siveye a, SMP ke li te apwouve nan mwad Jyen ane pase a, FMI te di malgre kondisyon yo vin pi grav e ke ekonomi global la ralanti, otorite yo adopte refom enpotan.
Sityasyon ekonomik mond la agrave kriz imanitè Ayiti a, ki lakoz plizyè dizèn milye moun oblije kouri kite kay yo. Zak vyolans ki ogmante ak gang yo ki vinn pi puisan kreye yon ensekirite alimantè. Otorite yo rapote maladi kolera refè sifas tou depi mwad Oktob pase a.
FMI di: "Otorite yo pran mezu pou rann responsab moun ki sèvi ak resous piblik yo pou pwofi pèsonèl yo epi epi ogmante transparans demann pou lajan nan ka dijans.
FMI di malgre sa, 'fok otorite yo jere yon fason pi efikas jefo anti-koripsyon an ak risk ki poze pou entegrite finansye peyi a an jeneral.
