Si ou eseye branche sou paj gangstè Ayisyen Izo Vilaj de Dye a jodia, wap jwenn yon mesaj ki di paj la "pa disponib".
Rezo sosyal popilè Ameriken an siprime paj la.
Mezi sa a vini apre Izo Vilaj de Dye te pibliye yon foto sou rezo sosyal yo wiken pase a kote li kenbe yon pil lajan Ameriken epi yon plak platin YouTube ki komemore le fèt ke li gen 100,000 moun kap suiv li.
Mesaj sa a ansanm ak pri a te vekse anpil Ayisyen. Se konsa yon petisyon te komanse sikile sou sit web Change.org la pou pote plent pou le fèt ke gangstè a ap fe lajan sou rezo a aloske gang li responsab pou kidnapping ak asasina ki sible tout kouch sosyete Ayisyen an epitou dyaspora a.
Dapre jounal Miami Herald, Jack Malon, responsab politik kominikasyon YouTube konfime ke rezo a fèmen chanel Izo Vilaj de Dye a paske li "vyole prensip kominote nou an, ki entèdi moun ensite lòt moun pou yo komèt zak vyolans."
Anplis de aktivite li kom gangstè, Izo Vilaj de Dye konsidere tet li tankou rapè. Li te pibliye premye tib li an 2021.
Depatman Trezò Etazini, Nasyonzini ak Kanada pran sanksyon kont chef gang ame Ayisyen yo ke yo blame pou ensekirite a ak paket kidnapping kap dewoule nan peyi d Ayiti.
Etazini ak Kanada kole tèt ansanm tou pou sanksyone politisyen Ayisyen ak òm d afè ki lye ak gang yo.
