Yon ex-avoka Depatman Jistis Etazini di yon juri Jedi ke li te travay simultaneman pou atis hip-hop Pras Michel nan kad yon kanpay enfliyans etranje ilegal pou konvenk administrasyon Trump la pou voye tounen yon militan nan Lachin.
George Higginbotham temwaye ke li te touche lajan sou kote, pandan li tap travay pou Depatman Jistis la, an echanj pou konsèy legal li te ofri Michel ki se zanmi li depi lontan. Li di pami travay li te fè genyen fasilite negosyasyon ant Michel ak Jho Low, yon biznisman ke avoka akizasyon yo di te volè plizye milya dola nan fon souvren Malezi a ki rele 1MDB.
Higginbotham se denye pami yon seri temwen ki konparèt devan tribinal, e ki temwaye pou gouvènman Ameriken an nan pwosè kriminel Ayisyen Pras Michel, ke yo akize dèske li te akspte plizyè milyon dola pou mennen plizyè kanpay enfliyans ilegal pou Low.
Pami lot temwen ki konparèt devan tribinal la nou jwen aktè Leonardo DiCaprio epi ansyen responsab Komite Nasyonal Repibliken an, Elliott Broidy.
