Etazini ap chache sipò pou fòs polis nasyonal Ayiti e lap etidye posibilite pou Nasyonzini ta jwe yon wol nan jefò pou tabli lape an Ayiti. Se sa Prezidan Joe Biden fe konnen pandan vizit li nan peyi Kanada Vandredi 24 Mas la.
"Nempòt ki desizyon pa rapo ak yon fòs milite - ke nou diskite souvan, ta dwe fèt an konsiltasyon ak Nasyonzini epi gouvenman Ayisyen an. Donk nou pa ekate posibilite a men se pa yon bagay nou anvizaje fè kounyela a."
Prezidan Biden di, yap gade pou wè si kominote entènasyonal la pata jwe yon pi gwo wòl nan jefò a. Li te pale de aktivite gang yo tou.
" Lide sou kijan nou pral fè fas ak sakap pase an Ayiti, kote gang yo esansyèlman ranplase gouvènman an, an efè yap dirije peyi a. Kidonk mwen kwè sa Premye Minis Trudeau di sou koze a fè anpil sans. Pi gwo bagay nou ka fè e se yon bagay kap pran tan, se ogmante kapasite polis nasyonal la genyen pou fè fas ak pwoblèm yo konstate. Nap gade tou pou wè si kominote entènasyonal la pa l entèmedyè Nasyonzini taka jwe yon pi gwo wòl nan jefò sa a. Men vreman vre, se yon gwo ke sote pou nou."
Ayiti sete youn nan kestyon prensipal Prezidan Joe Biden te diskite ak Premye Minis Justin Trudeau pandan vizit 2 jou li nan Ottawa.
Enfomasyon pou repotaj sa a soti nan ajans nouvel Reuters.
