Kout zam kap chante san rete ap teworize popilasyon Pòtoprens lan depi lendi 27 fevriye a, kote gang yo ap batay antre yo pou teritwa.
Vandredi 3 mas la, videyo jounal Reuters pibliye moutre sivil ki panike e ki ap chache kouri kite zòn ki enplike nan atak vyolans gang yo, kote paran konn kouri al chèche pitit yo lekòl.
Nan zòn tankou Bel-Air, Delmas 18 ak 24, Christ-Roi, Nazon, Solino, ak kèk lòt, plizyè fanmi ap kouri kite kay yo akoz sitiyasyon ensekirite a.
Yon sitwayen di jounal Reuters ke li te oblije dòmi nan lari Jedi 2 mas nan aswè pou sekirite li e li pa te sèten si li te kapab retounen lakay li ki nan Delmas 18.
