Migrasyon, chanjman klima, komès ak indistri manifakti pwal pami gran pwen ki sou pwogram chita-koze yo.
Anvan some a ki pwal fèt demen madi a, Biden, Trudeau ak Lopez Obrador ap patisipe nan yon dine ansanm ak madam yo.
Biden rive nan Mexico dimanch swa apre li fin vizite vil fwontyè El Paso nan Texas pou li wè ak je li plizyè milye migran san papye k ap janbe fwontyè ak Meksik la.
Pandan vizit apeprè 4 jou nan vil fwontyè a, Biden te rete nan Pon Amerik yo, kote li rankontre ak ofisye yo ki travay pou Ladwàn ak Pwoteksyon Fwontyè, e li te gade jan ajan yo te fouye machin sou fwontyè a pou chache dwòg, lajan ak lòt atik k ap vini nan kontrebann.
