Nan okasyon selebrasyon 219 anivèsè endepandans peyi Ayiti, plizyè diyitè afriken te ekri yon lèt ki pote tit: “Ayiti ap mouri, ann aji kounye a”. Objektif lèt sa a se ankouraje kominote entènasyonal la pou l pa bliye Ayiti kap fè fas ak zak vyolans gang yo.
Pami siyatè yo, nou jwenn prezidan Macky Sall, Prezidan Senegal la ki se tou prezidan Inyon Afriken an, osi byen ke Moussa Faki, Prezidan Komisyon Inyon an, ak José Ramos-Horta, Prezidan Repiblik Demokratik Timor-Leste, epi Adama Dieng, ansyen Sekretè Jeneral Adjwen Nasyonzini.
Kolèg nou nan VOA Afrik, Abdourahmane Dia, te pale ak Adama Dieng, ansyen sekretè jeneral adjwen Nasyonzini sou apèl sa a. Li entèvyouwe li an Franse pandan yon vizit nan vil Wom, an Itali.
