Jounalis yo poze jwè Angletè yo menm kestyon an tout tan: kijan nou pral rete Kylian Mbappe?
Li pa etonan, lè w konsidere se Mbappe ki make plis gòl yo pandan Mondyal la. Misye ap mennen ak yon total 5 gòl e obsèvatè yo atann yo aske li pase devan Lionel Messi ak Cristiano Ronaldo kòm pi gwo vedèt foutbòl nan mond lan.
Antrenè seleksyon Fransèz la, Didier Deschamps di: "Mwen si Angletè pare pou konre Kylian. Men Kylian nan yon pozisyon pou l fè yon diferans. Se konsa Kylian ye e se konsa lap toujou ye."
Jwè defans Franse Dayot Upamecano di: "Ou paka konpare misye ak lòt jwè yo."
Jwè defans Britanik Kyle Walker pat kontan lè jounalis yo te sigjere lap difisil pou kenbe Mbappe.
"Mwen pa konnen kijan pou m di l anko: Li pami pi bon jwè yo. Mwen pa souzestime li ditou. Men se pa tenis nap jwe, se pa yon spò solo."
Kapitèn seleksyon Anglèz la, Harry Kane bat bravo pou Walker, ke li konsidere tankou yon "defansè fantastik".
Pandansetan, jwè seleksyon Fransèz yo kontan pwopaje lide kòm kwa Mbappe se yon nèg pèson paka rete.
