Senatè Demokrat Raphael Warnock ranpòte la viktwa sou Repibliken Herschel Walker nan dezyèm tou eleksyon mi-manda ki te dwoule nan eta Jòji Madi 6 Desanm nan.
Viktwa sa a, ke premye senatè nwa eta Jòji a ranpote, asire Demokrat yo gen kontwòl Sena Etazini an pandan rès manda Prezidan Joe Biden nan.
Savledi Demokrat yo pap oblije negosye ak Repibliken yo pou pataje pouvwa a, e ke yo pap oblije rele Vis Prezidan Kamala Harris pou vote osi souvan lè vòt yo egal ego.
Warnock di patizan li yo, ki te kontan a mò Madi swa, sete "onè pa li pou l resite mo pi pwisan yon moun ka pwononse nan yon demokrasi: pèp la pale."
