Apre anons ansyen Prezidan Donald Trump pou di li kandida pou retounen nan Mezon Blanch an 2024 la, kèk gwoup ap mobilize pou bloke kandidati li kote y ap sèvi ak yon pati nan konstitisyon an ke anpil moun pa konnen, ki baze sou wòl li nan atak 6 Janvye sou Capitol Etazini an.
Pati sa a – Seksyon 3 nan 14èm Amandman Konsitisyon Etazini an – di « pyès moun » pa dwe pran yon pòs nan leta si li te prete sèman pou « sipòte konstitisyon an » e apre sa « angaje-l nan revòlt oubyen rebelyon” oubyen nan “bay lènmi” Etazini yo èd oubyen konfò.
Atik sa a ki rele “atik diskalifikasyon,” yo te adopte l apre gè sivil Etazini an, ant 1861 ak 1865, pou anpeche manm Konfederasyon an yo ki te pèdi lagè a, pran okenn fonksyon nan leta nan peryòd apre konfli a.
