Prezidan Ris la Vladimir Putin di ke sereyal Ikrenyen yo ta dwe ale "an priyorite" nan peyi ki pi bezwen li yo. Deklarasyon sa a fèt pandan yon apèl nan telefòn Mèkredi ak Sekretè Jeneral Nasyonzini an, Antonio Guterres.
Pandan diskisyon sa yo ki te konsantre prensipalman sou aplikasyon akò Istanbul yo sou ekspòtasyon sereyal Ikrenyen, tou 2 pati yo te mete aksan sou enpòtans pou bay priyorite moun ki nan kontinan Afrik, Mwayen Oryan ak Amerik Latin nan ki bezwen yo manje.
