Prezidan Joe Biden ak premye dam Jill Biden akeyi ansyen Prezidan Barack Obama ak ansyen premye dam Michelle Obama nan Lamezonblanch Mekredi pou devwale pòtre ofisyel yo.
Sete premye vizit Madan Obama fe nan Lamezonblanch depi prezidans mari li te fini nan mwad Janvye 2017. Obama limenm te vizite Lamezonblanch ann Avril pou ede selebre anivese gwo pwoje lwa sante piblik li te siyen an.
Atis Ameriken Barack Obama chwazi pou penn pòtre li di stil senp li anplwaye a ede kreye yon "rankont" ant moun nan tablo a ak moun kap gade'l.
Robert McCurdy renmen prezante sije li yo san okenn ekspresyon sou figi yo, epi li mete yo devan yon fon blan. Se konsa nou we 44em e premye prezidan nwa Etazini. Li gen sou li yon kostim nwa ak yon kravat gri.
Ansyen premye dam nan chwazi Sharon Sprung pou fe potre pa li. Nou we li chita sou yon divan nan Sal Wouj Lamezonblanch la epi li gen yon rad ble pal sou li.
Obama te pran la pawol apre yo te devwale tablo yo:
"Prezidan ak premye dam menm jan ak tout moun - nou gen atou nou nou gen defo nou - tout moun deja we pa'm. Nou gen bon jou, nou gen move jou - nou resanti menm jwa, tristes, fristasyon ak espwa (ak tout moun). E malgre kalite pi enpotan pou yon prezidan genyen se konfyans, gen de swa kote nou pa domi paske nap poze tet nou si desizyon nou te pran an sete bon desizyon an. "
Tradisyon Etazini se kelkeswa afilyasyon politik yo, prezidan aktyel la konn akeye predesese li pou revelasyon potre ofisyel li. Se konsa Bill Clinton te fe'l pou George HW Bush, George W Bush te fe'l pou Clinton e Obama te fe'l pou George W Bush.
Donald Trump limenm te kritike Obama pou tout bagay e li te ekate'l ak tradisyon sa a. Kidonk li pat oganize okenn seremoni pou Obama. Kidonk le Biden monte sou pouvwa a li te oganize yon seremoni pou devwale potre ansyen chef deta li. (Nap raple Biden te vis prezidan Obama)
Potre Obama a pral ekspoze nan Gran Fwaye Lamezonblanch la ki se lye tradisyonel kote tablo 2 prezidan pi resan yo konn ekspoze. Se tablo Clinton ak George W. Bush ki ekspoze la aktyelman.
Potre madan Obama limenm pral ekspoze bo kote predesese li yo nan koulwa premye etaj Lamezonblanch la, bo kote Barbara Bush, Hillary Clinton ak Laura Bush.
Asosyasyon Istorik Lamezonblanch la, yon oganizasyon ki pa antre benefis e ki jwen finansman atrave donasyon sitwayen prive ak lavant liv epi dekorasyon nwel, jere pwosesis potre a. Depi ane 60 yo, e limenm ki peye pou pi fo tablo ki nan koleksyon an.
Enfomasyon pou repotaj sa a soti nan Associated Press
