Otorite yo jistifye motiv arestasyon sa apre yo te jwenn plizyè dokiman ki date nan ane 2017 pou rive 2021 ke kontab legliz la te siyen, e ki otorize debousman lajan ki soti nan kont bank Legliz Episkopal pou transfere sou kont yon trafikan zam entènasyonal, ke DCPJ ap chèche.
Pou rapel otorite yo te arete nan kad menm dosye sa Prèt Frantz Coles, ki se manm Kongregasyon Legliz Episkopal Ayiti a, nan dat ki te 17 out 2022 a.
PNH la fè konnen pou kounyea, kontab Jean Gilles nan prizon jiskaske yo transfere l bay otorite ki konpetan pou jere dosye sa a.
