Komisyon Sekirite ak Echanj Etazini an asiyen yon Ayisyèn Amerikèn ki rele Alexandra Robert ak 2 konpayi li genyen pou fwod.
Yon anons komisyon an pibliye sou sit web li fè konnen Alexandra Robert te pran tèt 80 envestisè pou yo envesti $900,000 dola nan pwogram envestisman li yo. Li te pwomèt yo ke yo tap antre yon benefis 10 a 48 pousan sou lajan yo envesti a san yo pa pran okenn risk. Moun li te vize yo se manm kominote Aisyen sid Florid la.
Dokiman legal VOA Kreyol we di ke Madan Robert gen 23 zan e li abite nan Lantana, Florid. Biznis li yo tap opere nan Boynton Beach ak West Palm Beach.
Dapre komisyon an 2 konpayi Robert yo - Chalala Academy LLC ak Lendvesting Academy Corp. te mete enfomasyon sou sit web yo ak rezo sosyal yo ke yo te antre plis pase $4 milyon dola e ke yo te gen plis pase 1,000 envestisè. Yo deklare tou ke yo te peye envestisè yo $2.6 milyon dola benefis - e ke yo "garanti" envestisè yo yap fè benefis sou lajan yo.
Vereite a, dapre Komisyon an se ke Robert te volè lajan envestisè yo e ke li te monte yon espèz de pwogram Ponzi pou distribye lajan bay envestisè yo.
Avoka gouvènman pou Distri Sid Florid la ap jere ka Alexandra Robert la.
Lap fe fas ak plizye ane prizon si yon tribinal jwenn ni koupab.
