"Mwen toujou di ke mwen te kandida premye fwa a e te genyen eleksyon an," se pawòl Trump ki te nan mitan apeprè 600-mil sipòtè ki byen soude ak li. Li kontinye pou l di, "Mwen te kandida yon 2èm fwa, e mwen te soti pi byen toujou. Mwen te gen dè milyon vòt anplis. E nou konnen, sa pwal yon istwa ke moun pwal rakonte pandan lontan. Sete yon wont. Men nou ka oblije fè l ankò. Fòk mwen fè peyi nou an dwat."
Pawòl sa a vini nan mitan yon diskou 90 minit ki se pwen santral yon rasanbleman 2 jou pou inogire Enstiti Politik Trump pou Etazini Dabò. Nan piblik la te gen plizyè manm ansyen administrasyon Trump la ak palmantè Repibliken
ki pa te dakò pou sètifye ofisyèlman vòt gran elektè yo 6 Janvye 2021. Se sa ki te sètifye viktwa Joe Biden.
