Yon jij federal derefize ranvwaye pou pi ta, pwose Steve Bannon, yon konseye ansyen Prezidan Donald Trump, kap fè fas ak akizasyon epri Kongrè a apre li te derefize pandan plizyè mwa, koopere ak komite La Chanm dè reprezantan kap mennen ankèt sou revolt 6 Janvye a.
Bannon sipoze konparèt devan tribinal semèn pwochèn. Lap fè sa malgre li di komite La Chanm byen ta Samdi ke li pare kounyea pou’l temwaye. Li poko klè si Bannon pral derefize konparèt ankò devan komite a kounyea ke pwosè li ap pouse pou pi devan.
Jij federal Carl Nichols deside kont plizyè demann Bannon fè tou pou lidè La Chanm nan, Nancy Pelosi oubyen direktè komite a Depite Bennie Thompson ki reprezanante eta Mississippi temwaye tou.
