Jwèz Basketbol Amerikèn Brittney Griner plede koupab a posesyon dwòg nan pwosè li te genyen nan Moskou men li di li pat gen okenn entansyon komèt yon krim.
Reprezantan Griner konfime pou Associated Press ke vedèt WNBA a plede koupab. Nouvèl ki parèt nan laprès Ris site ke jwèz la te gen yon tradiktè pandan odisyon sa ki te fèt Jedi a.
Li te di li pat gen entansyon mete dwòg la nan valiz li men li te nan mache prese lè li tap mete bagay li tapwal bezwen pou vwayaj la.
Otorite Ris yo te arete Griner an fevriye nan ayewopò Sheremetyevo Moskou a ak kèk bokal vape nan valiz li e bokal sa yo te gen yon lwil ki gen mariwana ladan yo.
Vedèt baskètbol la ap fè fas ak posibilite pou'l ta pase 10 zan nan prizon, si la jistis Ris jwenn ni koupab dèske li tap transpòte dwòg antre nan peyi a.
Yon reponsab anbasad Etazini te remèt yon lèt Griner eki bay Prezidan Joe Biden.
