Seyans la vini apre Kongrè a fin kite Washington pou 2 semèn repo. Palmantè yo nan panèl k ap mennen ankèt sou revòlt 2021 an te di, semèn pase a, p ap gen seyans ankò jiska mwa Jiyè. Sijè ke yo pwal debat nan seyans la pako klè.
Ant lòt prèv ke yo jwenn nan ankèt la, komite a sot mete men sou nouvo video ki moutre Trump ak kèk akolit-li, video ki te fèt anvan ak apre 6 janvye 2021 an, e se reyalizatè fim Alex Holder, moun Grand Bretay, ki bay panèl la dokiman an.
Yon pòtpawòl pou panèl la pat vle pale sou kesyon an. E yon avoka k ap travay pou Holder pa vle pale non plis tou.
