Depatman Trezò ameriken an fè konnen li pa gen plan pou l renouvle lisans ki pèmèt Larisi kontinye peye kreyansye li yo atravè bank ameriken yo.
Depi premye seri sanksyon yo, Depatman Trezò ameriken an te bay bank yo yon lisans pou yo jere tout pèman bon pou Larisi. Fenèt sa a ap ekspire mekredi 25 me a a minui.
Depi kèk tan deja, kèk siyn te montre administrasyon Biden nan pa t dispoze pwolonje dat limit la. Sa pa gen lontan, Minis Finans ameriken an, Janet Yellen, te deklare:
“Gen yon fenèt ki ouvri pandan yon peryòd tan pou yon tranzisyon fèt nan lòd e pou envestisè yo vann aksyon yo. Tout moun konprann ke peryòd sa a se yon tan limite.”
