PDG Tesla a, Elon Musk gen 9% aksyon Twitter e kounyea se limenm ki gen lis aksyon rezo sosyal la pase tout lot moun.
Objektif Musk ap pousuiv la poko klè men nan fen mwad Mas la, Musk, ki gen 80 milyon moun kap swiv li sou Twitter te kestyone libète lapawol sou platfom nan epi poze kestyon pou konnen si li pap minnen demokrasi. Musk gen 73,5 milyon aksyon Twitter ki vo $3 milya dola.
Dokiman regilatwa ki pibliye Lendi pa di non plis kilè Musk te achte aksyon yo men li di se yon evenman ki dewoule 14 Mas ki te lakoz acha sa a.
Musk soulve posibilite sou Twitter pou'l ta lanse yon rezo sosyal rival.
