Sou 4èm e dènye jou seyans konfimasyon kandida Prezidan Joe Biden chwazi pou yon plas nan Kou Siprèm nan, Jij Ketanji Brown Jackson, espesyalis nan zafè legal fe konpliman pou kandida a; yo di li byen kalifye pou l sèvi nan pi gwo tribinal nasyon an.
Manm Asosyasyon Bawo Avoka ameriken yo ak lòt espesyalis fè depozisyon yo apre manm Komisyon Jidisyè Sena a te pase 2 jou ap poze Jij Brwon Jakson kesyon epi yo mete fen nan seyans sou nominasyon li a ki te dire anviwon 30 èdtan.
Nan temwayaj Ann Claire Williams, ki nan tèt komisyon ki fè rekòmandasyon sou jij federal yo, li deklare pratikman tout moun ke komisyon an kontakte fè konnen Jij Jackson konpòte l kòm yon kandida “ekstwòdine, ekselan, siperyè e sipeb.”
Dapre previzyon yo, Sena a pral vote sou nominasyon an anvan 4 avril. Demokrat yo espere òganize yon vòt final anvan Fèt Pak la, swa nan mitan mwa davril la, lè Sena a pral pran yon vakans 2 semèn.
