CAP HAITIEN - Yon bout solèy te parèt tèt li sou vil Okap ak rès depatman an apre lapli tonbe 3 jou san kanpe sou depatman Nò peyi d' Ayiti. Omwens 4 komin inonde, dapre Sevis Pwoteksyon Sivil la.
Komin ki plis frape yo se Kap Ayisyen, Plèn di Nò, Grand Rivyè di Nò ak Bahon, Direkte Depatmantal Pwoteksyon Sivil la, Jean Henry Petit di VOA.
Yap chache kadav 2 moun, pami yo yon tinedjè 16 zan, ki ta pedi lavi yo nan gwo lapli a.
Gouvenman an trè preyokipe pa sityasyon sa a, dapre Delege Depatmantal No a Pierrot Augustin, ki esplike yap prepare yon rapò pou fasilite gouvenman an entèvini.
Meteyolojis anonse laplis pou jiska Jedi kap vini la a sou depatman Nò peyi a, akoz yon fwon fwedi ki dominen kondisyon meteyowolojik yo nan rejyon Gran Zantiy yo.