Maduro te deklare sou Telegram, nan yon mesaj ki te akonpaye ak yon videyo vizit li nan akademi militè kapital la, Karakas."Mwen bay lòd pou fè chanjman nan eta majò siperyè fòs lame a".

Li te ajoute "Mwen kenbe jeneral Vladimir Padrino Lopez kòm minis pouvwa popilè pou defans lan, ak jeneral Domingo Antonio Hernandez Larez kòm chèf kòmandman estratejik operasyonèl."

Padrino Lopez ki se minis defans depi 2014, se youn nan figi pouvwa a, te reyafime plizyè fwa anvan ak apre eleksyon prezidansyèl 28 jiyè a "fidelite " fòs lame a Maduro.

Opozisyon an, ki reklame viktwa nan eleksyon sa a, te mande plizyè fwa pou lame a "respekte" rezilta yo.

Prezidan Nicolas Maduro te pwoklame gayan ak 52% nan vòt yo pa Konsèy Nasyonal Elektoral (CNE), yon konsèy yo konsidere anba kontwòl pouvwa a e ki pa t bay detay sou vòt ki soti nan biwo vòt yo.

Opozisyon an asire, ak pwosesis vòt yo kòm prèv, kandida yo, Edmundo Gonzalez Urrutia, ki an egzil nan peyi Espay depi kòmansman septanm, te ranpòte eleksyon an ak plis pase 60% vwa.

Dapre sous ofisyèl, plis pase 2,400 moun te jwenn arestasyon yo pandan manifestasyon ki te swiv anons viktwa Maduro a.

Sa te lakoz 27 moun mouri, pami yo de manm fòs lòd yo.

Arestasyon majistra Rafael Ramirez la vin ajoute sou kantite opozan politik ki jwenn arestasyon depi apre viktwa prezidan Nicolas Maduro nan eleksyon mwa jiyè a.

Pati majistra a, Primero Justicia (Lajistis an Premye), te fè konnen sèvis entelijans yo te arete Rafael Ramírez, 49 lane, Madi 1ye oktòb la.

Yon sous te di AFP chèf sekirite li yo ak yon lòt manm pèsonèl yo te jwenn arestasyon yo tou.

Yo te deklare "Nou pa konnen kondisyon li oswa rezon ki fè (arestasyon) sa a, ki se yon vyolasyon prensip ki enskri nan konstitisyon nou an,", nou mande "liberasyon Ramirez prese prese."

Otorite Venezyelyen yo poko fè kòmantè sou arestasyon majistra a.

Primero Justicia fè pati alyans opozisyon politik Venezyelyen an ki di li kapab pwouve kandida li a, Edmundo Gonzalez Urrutia, ranpòte eleksyon prezidansyèl 28 jiyè yo.

Alyans sa gen nan tèt li Maria Corina Machado, ke patizan fidèl Maduro yo pa t dakò pou al kandida.

Prèske 200 lidè opozisyon an, ki gen ladan plizyè manm antouraj Machado a, te jwenn arestasyon yo ane sa a.

Ramirez te eli an 2021 pou dirije Maracaibo, kapital eta Zulia ki se yon fwaye petwòl nan Venezyela epi bastyon depi lontan opozisyon an.

Opozisyon an te genyen twa nan 23 eta Venezyela yo, ki gen ladann Zulia, nan eleksyon rejyonal 201 yo malgre yo te plen ak magouy dapre obsèvatè Inyon Ewopeyen yo

Se dezyèm fwa yo arete chèf sekirite Machado a, Milciades Avila, premye arestasyon an te fèt de semenn anvan vòt 28 jiyè yo, opozisyon an fè konnen li kapab pwouve kandida li a, Edmundo Gonzalez Urrutia, te ranpòte eleksyon prezidansyèl la.

Arestasyon Avila ak Edwin Moya yo se dènye nan sa opozisyon an konsidere kòm yon vag represyon apre rezilta ofisyèl eleksyon yo di ke se aktyèl prezidan peyi a Maduro ki genyen.

Sa pral fè mesye Maduro twazyèm manda 6 zan ke li pa pase nan tèt peyi a, yon rezilta ki dezapwouve pa anpil manm kominote entènasyonal la.

Machado te di sou medya sosyal "Maduro ak rejim li an komèt yon lòt krim. Yo kidnape yon sitwayen onèt, yon papa... ki gen wòl asire sekirite nou,".

Li te ajoute "Tou 2 te ranpli responsablite yo yon fason egzanplè, yo te toujou okouran risk sa a genyen pou kanpe anfas a yon tirani mond lan jodi a dekri kòm yon sistèm kowonpi e kriminèl,".

Òganizasyon siveyans Foro Penal rapòte 149 "arestasyon abitrè", nan moman dat eleksyon yo t ap pwoche, ladan yo gen 135 moun nan antouraj Machado.

Anpil lòt moun te jwenn arestasyon yo tou depi lè sa a, Foro Penal di jounen jodi a Venezyela gen pi gwo kantite "prizonye politik” depi anviwon 25 lane.

Desizyon Lakou Siprèm (Pi gwo Tribinal nan peyi sa) venezyelyen tonbe apre yon demann ki sòti nan men pwokirè jeneral Tarek William Saab nan dat 18 septanm 2024 la, kote l tap mande manda arestasyon kont M. Milei, men tou kont minis sekirite a Patricia Bullrich, ak sekretè jeneral prezidans Ajantin lan Karina Milei, nan kad yon dosye avyon venezyelyen ki te sezi an jiyè 2022 nan Buenos Aires epi voye Ozetazini.

Mezi sa a plis gen yon karaktè simbolik, paske chans pou prezidan ekstrèm liberal ajanten an, minis li oubyen sekretè jeneral prezidans li an ta vini nan peyi Venezyela, kote mezi sa a ka aplike piti anpil.

Twa moun sa yo gen akizasyon vòl grav, blanchiman lajan, vyolasyon ilegal libète moun, enjerans ilegal nan sa ki konsène sekirite operasyonèl aviyasyon sivil, ak itilizasyon avyon.

Konfli nan mitan de peyi yo kòmanse depi 8 jiyè 2022, lè lajistis ajanten te deside kenbe yon avyon kago venezyelyen sou teritwa li. 19 manm ekipaj la te jwenn arestasyon, yo tou, men yo ta pral libere yo an apre. Pami yo, te gen senk Iranien, youn ladan yo, selon Washington, ansyen kòmandan Gadyen Revolisyon an, yon òganizasyon peyi Etazini klase kòm teworis.

Etazini te mande pou sezi avyon an, paske selon motif yo bay, se yon avyon konpayi iranyen Mahan Air bay vann bay Emtrasur, filyal konpayi aviyasyon piblik venezyelyen Conviasa nan mwa Oktòb 2021, li an vyolasyon ak sanksyon amerikèn yo.

Ajantin te remèt avyon bay peyi Etazini nan mwa Fevriye, sou rejim nouvo prezidans Javier Milei.

De prezidan sa yo venezyelyen ak ajanten, se de moun ki opoze ideyolojikman, yo kritike, menm joure youn lòt regilyèman.