Donald Trump konfime lendi premye mezi ekonomik li yo apre li fin pran pouvwa nan mwa janvye a pral ogmante tarif ladwann sou pwodwi ki soti nan Lachin, Kanada, ak Meksik.
Otorite lokal yo te anonse dimanch onz moun te mouri nan Pewou lè yon otobis ki t ap pote elèv, fanmi yo ak pwofesè yo te tonbe nan yon falèz apre yo te fè kolizyon ak yon kamyonèt.
An 2023, omwen 85,000 fanm ak tifi jwenn yon lanmò planifye nanmond lan, pifò nan men pwòch yo, dapre done Nasyonzini pibliye lendi, yon "nivo ki bay kè sote" pou krim ki ta ka "evite".
Prezidan Vladimir Putin te avèti Jedi, apre atak Ikrenyen yo te fè, dapre Moskou, ak misil Ameriken ak Britanik yo, Larisi pa ekate lide frape peyi Ikrèn itilize zam yo kont teritwa Ris la.
Larisi te avèti Etazini 30 minit anvan lansman yon misil balistik ipèsonik sou Ikrèn, pòtpawòl Kremlin an te di Jedi, ajans nouvèl Ris yo te rapòte.
Apre plis pase yon ane konfli nan Gaza, Kou Pènal Entènasyonal (CPI) pwovoke kòlè Izrayèl lè li te emèt jedi mandan arestasyon san presedan kont Premye Minis Benjamin Netanyahu ak ansyen Minis Defans li Yoav Gallant pou krim lagè ak krim kont limanite.
Kondanasyon prizon aktè Ameriken Jussie Smollett, paske li te simile yon agresyon rasis ak omofòb li te fè kwè li te viktim, te anile jedi pa Kou Siprèm Illinois poutèt yon erè nan pwosedi a.
Lame Libanè a te anonse twa nan sòlda li yo te mouri Madi nan yon frap Izrayelyen ki vize pozisyon yo nan Sarafand nan sid Liban, kote Izrayèl ap goumen ak Hezbollah.
Madi, Donald Trump te nonmen ansyen patwon federasyon lit WWE a, Linda McMahon, minis Edikasyon, yon enstitisyon federal prezidan eli a te pwomèt pou malmennen, nan yon mitan gwo divizyon nan peyi Etazini ant pwogresis ak konsèvatè.
Prezidan Ikrenyen Vladimir Zelensky te di Madi Ikrèn ap pèdi kont Larisi si Etazini sispann ede peyi a, alòske Kyèv ak alye Ewopeyen li yo pè dezangajman Ameriken anba pwochenn prezidans Donald Trump.
Lapolis ayisyen an anonse Madi li touye, ak sipò moun ki ap viv Pòtoprens, 28 manm gang ame, apre bandi sa yo te lanse yon ofansif nan kapital peyi Karayib sa a ki ap fè fas ak gwo dezòd.
Jan li te pwomèt li entènasyonal panyòl la Rafael Nadal mete fen nan karyè pwofesyonèl li kòm jwè tenis Madi 19 novanm apre li te elimine nan kar de final koup Davis la devan jwè olandè a Botic.
Prezidan Ikrenyen Vladimir Zelensky denonse Madi mank reyaksyon lidè G20 ki aktyelman ap rankontre nan Brezil parapò ak revizyon ke Ris yo fè nan doktrin nikleyè yo a, ki elaji posibilite pou otorite sèvi ak zam atomik.
Etazini kondane santans prizon 45 aktivis pwo demokrasi nan youn nan pi gwo pwosè sekirite nasyonal Hong Kong, dapre sa yon pòtpawòl konsila ameriken an nan Hong Kong te di Madi.
Lidè G20 yo, ki te rankontre nan yon somè nan Lendi nan Rio de Janeiro, pa t fè okenn gwo pwogrè pou debloke negosyasyon yo nan konferans sou klima COP29 la nan Baku, ki sanse deside ki moun ki ta dwe finanse adaptasyon a chanjman nan klima.
Prezidan Venezyela a, Nicolas Maduro, bay TikTok 72 zèdtan lendi pou retire kontni ki ankouraje defi danjre yo apre lanmò 2 timoun nan peyi a, sinon li pral pran "sanksyon sevè".
Lidè prensipal pisans ekonomik mondyal yo rankontre lendi nan somè G20 an nan Rio de Janeiro, kote Brezil espere pwogrè sosyal, nan yon blòk ki dechire ak konfli nan Mwayen Oryan ak Ikrèn.
Yon van panik te soufle nan kèk zòn nan Pòtoprens jedi, kote plizyè santèn fanmi t ap eseye chape poul yo akoz vyolans gang yo ki te pran kontwòl yon katye estratejik nan kapital la, apre plizyè mwa atak, dapre sa yon jounalis AFP te temwen.
Prezidan Ameriken Joe Biden kòmanse yon vwayaj nan Amerik di Sid Jedi 14 novanm nan, ke yo konsidere kòm dènye toune li nan Amerik di Sid la, apre li pral kite pouvwa nan fen manda li bay predesesè li Donald Trump .
Palman Kolonbi a adopte mèkredi yon lwa ki entèdi maryaj pou moun ki poko gen 18 lane, nan youn nan peyi nan Amerik di Sid ki te pi toleran sou sijè sa a jiskaprezan.
Load more
