Sekrete Trezò Janet Yellen lanse apèl bay nimewo 2 gouvenman Chinwa a pou l pa kite frustrasyon pa rapò ak limit Etazini mete sou aksè ak pyes rechanj pou odinate ak lòt teknoloji gate kowoperasyon eknomik ki egziste ant 2 peyi yo. Li fe deklarasyon sa a pandan vizit li nan vil Peken, kapital Lachin Kominis.
Pandan rankont li ak Premye Minis Li Qiang, Yelen di Washington ak Peken gen yon obligasyon pou yo kowopere sou kestyon ki afekte mond lan.
Yellen di: "Mwen espere vizit sa a ka ankouraje yon echanj regilye kominikasyon ant peyi nou e nan lespri sa a mwen kontan chita tande nou pral fè a. "
Yellen lanse apel pou gen plis kominikasyon ant yo nan epòk kote tansyon ant 2 peyi yo rive nan nivo pi wo yo janm konstate akoz hing hang sou teknoloji, sekirite ak lòt kestyon ankò.
Sekrete Trezò a se youn pami yon seri responsab wo plase Ameriken kap vizite Peken pou eseye ankouraje lide Chinwa yo ogmante entèraksyon yo ak Washington.