Vedèt foutbòl Ameriken Christian Pulisic blese nan basen pandan match seleksyon nasyonal Etazini kont Iran an, ke li genyen 1-0. Responsab ekip la ap swiv eta sante li chak jou.
Se gras ak gol Pulisic make ke Etazini avanse nan faz eliminatwa Mondyal Foutbòl Qatar la.
Pulisic make yon gòl nan 38èm minit match la kont Iran men li te fè kolizyon ak gadyen Iranyen Alireza Beiranvand nan menm moman an.
Se konsa misye te oblije soti nan match la nan dezyèm mitan an epi yo te mennen li lopital pou konsiltasyon ak egzamen.
Pi ta, Federasyon Foutbòl Etazini an, US Soccer, te pibliye yon videyo ki montre Pulisic ap fete ak ko-ekipye li yo nan lotèl ekip la.