Sondaj elektoral ki fèt an Frans predi ke Prezidan santris la Emmanuel Macron pral ranpote la viktwa nan dezyèm tou Dimanch la, sou rival zèl dwat li a Marine Le Pen.
Kous la te sere anpil nan moman lagè nan Ikrèn nan ak yon ogmantasyon nan sipo franse pou ide ekstremis te jete yon lombraj sou vot la.
Si pwojeksyon sa yo korèk, Macron ap tounen premye prezidan nan 20 an ki eli pou yon dezyèm manda.
Responsab elektoral yo komanse konte bilten nan Schiltigheim, nodest La Frans, Dimanch 24 Avril 2022.
Sepandan li ta fè fas ak yon nasyon divize ak yon batay pou mentni majorite pati li a genyen nan palman an. Eleksyon lejislatif yo fikse pou mwad Jyen an.
Sa gen 5 an, Macron te ranpote yon kokenn chen viktwa. Maj la ap bokou pi mens fwa sa a.
Sondaj yo predi Macron ap soti ak ant 57% ak 58.55 vwa yo, konpare ak Le Pen, ke yo predi pral pran ant 41.5% ak 43% vwa elektoral yo.