Rapè Kanye West ki vle pou moun rele li Ye kounyea parèt brid-sou-kou nan katye jeneral konpayi soulye atletik Skechers nan Kalifoni Mèkredi, san li pat gen randevou avè yo. Yo pa kite misye antre.
Skechers di, loreya pri grammy a, te pran filme katye biwo li genyen nan Manhattan Beach e 2 wo responsab te mande l bat zèl li.
Skechers di li kondane komantè Ye fè sa pa gen lontan kont moun ras jwif yo e yo pa gen okenn entansyon travay ak misye.
Depi plizyè semèn, Ye ap fè komantè kont moun jwif nan entèvyou ak rezo sosyal yo.
Madi, Adidas te mete fen nan patenarya li ak atis la e gen yon pakèt lot konpayi ki koupe lyen yo ak misye tou.