Mizisyen Shawn Mendes ak Camila Cabello pa renmen ankò.
Koup la anonse yo pa menaj ankò atrave yon deklarasyon konjwen yo pibliye sou Instagram Stories Mekredi 17 Novanm 2021.
"Hey zanmi, nou deside mete fen nan womans nou an men nou renmen youn lòt antanke kretyen vivan ak tout fòs nou," ansyen koup la ekri. "Nou te tanmen relasyon sa a antanke pi bon zanmi e nap rete bon zanmi. Nou apresye anpil anpil sipò fanatik yo depi nan komansman epi nan lavni. Camila ak Shawn."
Mesye dam yo te komanse soti an 2019, e yo te kolabore ansanm sou hit ki rele "Senorita a".