Pou premye fwa depi 20 an li pase sou pouvwa a nan La Risi, pouvwa Prezidan Vladimir Putin te sanble menase pandan wikèn nan.
Malgre revòlt fòs mèsenè Ris ki te desann sou Moskou fè yon ralanti, Putin pral oblije goumen pou pwoteje imaj nèg ki kontwole peyi a jan sa te ye nan pase a.
Sa taka pare chimen an pou lot defi kont pouvwa li lakay li epi febli pozisyon Larisi nan lagè Ikrèn nan.
Twoup Wagner Yvegeny Prigozhin yo te sanble alèz nan misyon yo pou dechouke minis defans Ris la nan moman yo te anvayi Rostov-on-Don Samdi epi sezi katye jeneral lame a.
Yo te kontinye avanse yon distans plizyè santèn kilomèt apre sa nan direksyon nò a jiskaske yo te rive Moskou san yo pat fè fas ak okenn rezistans serye.