Malgre yo gen yon majorite tou mens nan Lachanm Depite Etazini, Repiblikn yo sèmante semèn sa a pou yo itilize pouvwa yo pou mennen ankèt sou administrasyon Biden nan - patikilyèman pitit gason prezidan an.
Sepandan echèk yo sibi an jeneral nan eleksyon mi-manda a bay Lamezonblanch konfyans ke li ka kontre jefo sa a paske li tap fè preparsyon pou sa depi lontan.
Repibliken yo ranpote majorite pi mens pase sa yo te espere, e konseye Biden yo ak Demokrat yo kwè elektè yo pini Repibliken ki te konte sou teyori konplo ak mansonj Donald Trump sou rezilta eleksyon 2020 an pou ranpote la viktwa sou Demokrat yo pandan eleksyon an.
Demokrat ki pa nan Lamezonblanch mobilize pou konbat sa yo atann ki pral yon seri fo nouvel ak dezenfòmasyon ki pral soti bo kote Repibliken Lachanm yo kounyea ke yo gen majorite a.