Anvwaye espesyal Etazini pou Venezuela, Elliot Abrams, ak vis-minis afè etranjè Larisi, Sergei Ryabkov, ap fè reyinyon nan vil Wòm ann Itali pou yo pale sou “sityasyon Venezuela kap agrave.” Larisi ka repete pozisyon l ke yon entèvansyon militè Etazini nan Venezuela se ta yon bagay inakseptab.
Pou Larisi, Prezidan Venezuela Nicolas Maduro rete sèl lidè lejitim peyi a.
Otorite ris yo ka ensiste sou pwen sa a lè yo rankontre ak anvwaye espesyal Etazini pou Venezuela a nan Wòm jounen madi 19 e 20 mas 2019 la.
Prezidan pwovizwa a, Juan Guaido, nan tèt yon meeting de mas jedi 14 mas 2019 la nan Karakas, te demanti nouvel kòmkwa Larisi ak Lachin apiye prezidan Nicolas Maduro. Dapre Misey Guaido, 2 peyi sa yo ap defann sèlman enterè biznis yo ak Venezuela.