Foutbol

Qatar: Seremoni Ouvèti Kiyès Kap Pèfòme?

Stad Al Bayt la nan Qatar kote seremoni ouveti Mondyal Foutbol la pral dewoule.

Men tout sa ou dwe konnen sou seremoni ouvèti Mondyal Foutbòl Qatar la, 20 Novanm 2022.

Kilè Seremoni Ouvèti ap Dewoule?

  • Seremoni ouvèti a fikse pou Dimanch anvan match Gwoup A a kote Qatar va woule balon ak Ekwatè
  • Seremoni a pral tanmen a 1400 GMT
  • Plan Orijinal la sete pou seremoni an dewoule anvan premye match Qatar la Lendi, men sa tapral kreye yon sityasyon dwòl kote 2 match tap jwe anvan seremoni ouvèti a. Se poutèt sa yo te deside fè l dimanch pito.
  • Prezidan Ekwatè Guillermo Lasso di li pap asiste match wo pwofil seleksyon nasyonal la akoz ensekirite ki genyen nan peyi li

Fanatik devan Stad Al Bayt la nan Qatar kote seremoni ouveti Mondyal Foutbol la pral dewoule.

Ki Kote Seremoni Ouvèti a pral Dewoule?

  • Seremoni ouvèti a pral fèt nan stad Al Bayt la ki sitye a 40 kilomèt ak Doha e ki gen 60,000 syèj.
  • Stad la pote non e li fèt nan stil nomad rejyon Gòlf la. Al Bayt se stad ki sitye pi lwen ak anba lavil Doha men tou li se pi gran an e li gen yon twa ki ka louvri e fèmen.

Foto Achiv: Yon piblisite pou Jungkook youn nan atis gwoup K-Pop Sid Koreyen popile BTS, nan yon stasyon tren nan vil Seoul, kapital Kore di Sid, 15 Jyen 2022.

Kiyès ki Pral Pèfòme nan Seremoni Ouvèti a?

  • FIFA poko anonse lis konplè atis ki pral pèfòme yo.
  • Nan Kore di Sid, BTS di Jungkook, youn pami 7 manm gwoup popilè K-Pòp la pral chante yon mizik ki rele "Dreamers" (revè) pandan seremoni an.
  • Pami lòt atis yo nomen pou seremoni ouvèti a gen: Black Eyed Peas, Robbie Williams ak Nora Fatehi, dapre jounal Telegraph.
  • Atis Britanik Dua Lipa demanti nouvèl ki di li pral patisipe nan spektak la. Medya Espayòl yo di Sharika pap pèfòme non plis.
  • Chantè Rod Steward di jounal Times ke li rejte yon òf "plis pase $1 milyon" pou pèfòme nan Qatar.

Kiyès ki te Pèfome nan Seremoni Ouvèti 2018 la?

  • Mondyal 2018 la nan La Risi te tanmen ak yon seremoni nan Moskou kote atis pòp Britanik Williams ak soprano Ris Aida Garifullina te chante.
  • Prezidan Ris Vladimir Putin ak Prezidan FIFA Gianni Infantino te pran la pawòl nan seremoni ouvèti a.