PANAMA CITY —
Premye Dam Etazini Jill Biden rive nan Panama ki se dezyèm etap yon vire won lap fè nan 3 peyi Amerik Latin anvan Etazini oganize Somè Dèz Amerik la mwa pwochen an nan vil Los Angeles.
Madan Biden ateri Panama siti vè midi Vandredi e li t'al dirèkteman nan palè prezidansyèl la pou yon rankont ak Yasmin Colon, premyè dam peyi Panama.
Premye dam yo t'al vizite yon lekol tou pre a pou asiste yon aktivite nan kad pwogram "Gade ak Tande pou Aprann" Madan Colon nan, ki dispoze egzamen je ak zorey - epi founi linet ak aparey pou tande pi byen - pou timoun ki bezwen yo.
Enfomasyon pou repotaj sa a soti nan Associated Press